Avo's, avo's en nog avo's

My beminde reken avokadopere is die een ding wat die winter die moeite werd maak. Nou sit ons met 'n oormaat ryp avo's in die huis en moet ek kreatief begin dink voordat dit te laat is.
Roosterbroodjies met avo is uit die aard van die saak middagete vir die laaste 5 dae.
So het ek ook plaatkoekies aangedurf met maaskaas, avo en 'n repie biltong.
Woensdagaand het my beminde 'n heerlike vleisie op die vuur gegooi, en in plaas van 'n sousie het ons dit bedek met avo, basil pesto en tabasco.  Heerlik!
Gisteraand was dit 'n pastaslaai met spek, avo, feta en 'n romerige bloukaassous.
Daar is nog 6 ryp avokadopere. Enige idees?