Anja se Teetuin

Ek en my swaer se dogtertjie het soos twee madams gaan kuier by Anja se Teetuin in Lynnwood. Wat 'n heerlike wegbreek van die week se bekommernisse en gejaag!
'n See van pers in die vorm van Jakarandabome en Bougainvilla's het die rustige atmosfeer geskep en is afgerond met pragtige porselein en eetgerei.
Ons het gesmul aan cappuccino's, vars botterbroodjies met moerbeikonfyt en room en 'n allemintige aarbei-en-rooibos ystee om die dag se hitte te breek.
Die teetuin is ideaal vir kombuis- of babatees of om 'n boek sonder steurings onder die koeltebome te lees.