Kleinbrak op die strand

Vir die eerste keer in Kleinbrak se nege jaar is sy saam met ons see toe!
Hoewel sy die eerste dag skrikkerig was vir die branders, het sy sommer gou die poele en rivier ontdek en baljaar in die water en sand. 
Ons het vir haar haar eie tentjie saamgevat en wyl ek en my beminde rustig 'n sosatie braai, rus ou Smallies vir die volgende avontuur. Kyk net; poegaai!