Angry Birds

My beminde het homself onlangs bederf met 'n Samsung Tablet.  Hy is vreeslik in sy skik daarmee en laai gedurig nuwe apps af.
Ek was effe skepties nadat hy Angry Birds afgelaai het, want hoewel almal daaroor gons, het dit vir my maar bra vervelig gelyk.  Ek kon nie meer verkeerd gewees het nie!
Die vervlakste speletjie het ons lewens oorgeneem - elke aand voor slaaptyd spandeer ons ongeveer twee ure om die voëltjies deur die lug te skiet om die groen monsters te elimineer.
Die geel voëltjie is my gunsteling: hy't 'n turbo funksie!