Hoenderkerrie

Met gister wat loshande die koudste dag van die seisoen was, was 'n warm kerrie aan die orde van die dag. Ek het dié hoenderkerrie in die tagine gemaak, maar glo enige pot/pan sal voldoene wees.

3 hoenderborsies, in blokkies gesny
2 uie, in ringe gesny
1 greenpepper, in repies gesny
2 teelepels kaneel
2 teelepels gemmer
2 teelepels borrie
1 teelepel cayenne peper
2 eetlepels medium kerrie
½ pakkie hoenderroomsop

Braai uie en greenpepper tot bruin. Voeg kaneel, gemmer, borrie en cayenne peper by en meng goed. Gooi hoender by, braai tot gaar en roer kerrie in. Meng hoenderroomsop met 250ml melk en 250ml kookwater en roer by hoender.  Laat prut vir ongeveer 1 tot 2ure sodat die geure tot hul reg kom.  Bedien met basmati rys.